Isang Huwebes ika’y snamahang umuwi
kahit ako’y may klase pa,
ayos lang yun wala pa namang prof.
basta makasama ka kahit sa “pag-uwi” lang,
nang nasa jeep tayo kayo tahimik,
parang may dumaan na anghel,
ngunit ang ating pag-uusap ay
isang tanong, isang sagot.
Tinanong mo ako kung ano gagawin ko,
sabi ko’y may bbilhin sa national,
doon nagsimula ang medyo mahabang usapan natin,
sabi mo ika’y titingin ng dvd,
pagdating sa mall sabi mo’y bibili ka ng pagkain.
Ngunit noong sinabi kong sasamahan kita,
nag bago iyong isip,
bigla mong sinabi uuwi ka na,
naghiwalay tayo ng landas
noong ako’y naglalakad habang may kausap sa telepono
ika’y aking nakita galing sa McDo may dalang pagkain
‘Di ka pa pala umuwi.
Noong una ako’y nainis
pero napagtanto ko na ako’y walang karapatan,
ako’y nanghihinayang sa nakalipas na pagkakataon
para sabihin ang aking nadarama.
Kaso ako’y takot
kaya hanggang dito na lang
ipinapakita sa’yo ang aking pagmamahal
sa pamamagitan ng mga kilos
sana naman nadraama mo din
na tunay ang aking pagmamahal
Written by Anj Atutubo 01/31/2008
